Sketch zum Pädagogischen Tag 2017 am Realgymnasium „Albert Einstein“ Meran
Aufgeführt am 4. Oktober 2017 von Christian Zelger und Simon Schwarz auf Festplatte

Die Bühne ist leer, lediglich rechts steht ein Computer mit ausgeschaltetem Bildschirm auf einem Tisch. Christian kommt von links auf die Bühne, wirkt verwirrt und scheint auf der Suche nach etwas zu sein. (evtl. Musik „Also sprach Zarathustra“)

Christian: I kånn mi an nix mehr erinnern. Wo bin i denn?

Plötzlich entdeckt Christian auf dem Boden eine Zeitung. Er hebt sie auf, wendet sie, blickt über die Titelseite und liest für sich ein paar Zeilen.

Christian: I glab, i sollet nit frogn „Wo bin i?“, sondern eher „Wånn bin i?“ (nimmt wieder die Zeitung zur Hand und liest nachdenklich vor) 4. Oktober 2037 (wendet sich der größten Schlagzeile zu, liest wieder vor) Johannes Kiem, Sohn des Nobelpreisträgers Dominik Kiem, gewinnt heurige Chemie-Olympiade. (schaut kurz auf) Das Ausnahmetalent wurde von der mittlerweile (kurzes Atmen) 112-jährigen und immer noch aktiven Ina Schenk auf die Herausforderung optimal vorbereitet und konnte so die internationale Konkurrenz souverän abhängen. (nachdenklich und verwirrt) 2037? (er sieht auf den Computer, geht hin und schaltet ihn ein)

Simon37: Hallo.

Christian: (überrascht und verwirrt, aber auch erfreut) Hallo, Simon!

Simon37: (betonend, mit erhobenem Zeigefinger) Simon37! I bin die verbesserte Version.

Christian: Aha, an Upgrade auf die Spezies Mensch. I versteah. (zu sich selbst) Schaug so der Lehrer der Zukunft aus?

Simon37: (auffordernd und erfreut) Frog mi eppes! I woaß ålls.

Christian: Guat, wia du willsch. (nachdenkend) Wie viel isch ... 7 hoch 13?

Simon37: (blitzschnell) 96.889.010.407.

Christian: Wow. (kurze Pause) Und wo befindet sich s ... Apuseni-Gebirge?

Simon37: (wieder blitzschnell) In Rumänien.

Christian: (anerkennend) Bin beeindruckt.

Simon37: (hält eine Hand an das Ohr, hört sich etwas an) Wårt an Moment. (drückt auf seinen Smartphone herum) Iaz bin i wieder do.

Christian: Und ... wenn håt der Påpst Johannes XX. glebt?

Simon37: (schlagfertig) Ha, innilegn kånnsch mi nit. Sell håtts koanen gebn.

Christian: An Versuach wårs Wert. (plötzlich auf etwas aufmerksam werdend) Du, wås håsch du do auf der Stirn? Kimm amåll a bissl näher!

Simon37: Wås moansch? (kommt mit dem Kopf nach vorne)

Christian: (liest langsam von der Stirn) „Dieses Gehirn ist verbunden mit Computer KXLN-666. Freundlicherweise gesponsert von der Firma Nåtscher Speck Meran.“ (leicht schockiert) Puh!

Simon37: Ah, des. So isches hålt. Mir hom 2037 a simple Zwoa-Klassen-Gesellschaft. Die Elite håt no Ǻnteil an der realen Welt, die breite Masse werd mit der virtuellen åbgspeist. (hält sich wieder eine Hand an das Ohr, hört sich etwas an) Wårt an Moment. (drückt erneut auf seinem Smartphone herum)

Christian: Du, wenn i schun in die Zukunft schaugn kånn, dånn hatt i a Frog. Gibbs 2037 eigentlich no s digitale Register?

Simon37: Jå, natürlich. Mir troogn hålt koane Noten mehr ein, weil die semm sein schun lång åbgschåfft.

Christian: Sell hån i mir eh gedenkt. Interessieren tat mir ober, in welcher Reihenfolge die Fächer im Register aufscheinen?

Simon37: (unverständig) Alphabetisch natürlich. Neutral und transparent. Wås sunscht? Bei enk nitt?

Christian: Na, bei ins sein sie noch Wichtigkeit geordnet.

Simon37: (verblüfft) Aha. Und wos steaht denn dånn am Ǻnfång?

Christian: Mathematik, Physik und Religion.

Simon37: Interessante Kombination. (neugierig) Und wo sein dånn Fächer wia Kunstgeschichte oder Latein?

Christian: (aufklärend) Ah, de kemmen no hintern Menüpunkt „Unterrichtsausfall“.

Simon37: Seel sågg viel. Jå, und wås steaht dånn am Ende der Liste?

Christian: (trocken) Geschichte.

Simon37: (fast schon verständnisvoll) Jå, guat. Verständlich. Die Vergångenheit isch hålt für viele nix. Frei nochn Sprichwort: (pathetisch) „Schaue nie zurück. Du ersparst dir den Blick aufs Chaos.“

Christian: Aha, s Heil ligg in der Zukunft. (kurze Pause) Du, gibbs denn no ålle Fächer wia zu meiner Zeit?

Simon37: Na, a poor sein im Laufe der Johre åbgschåfft worden.

Christian: Welche?

Simon37: Die erschtn wåren Mathematik und Philosophie.

Christian: (überrascht) Wieso denn ausgerechnet de beaden?

Simon37: (erklärend) Jå, Rechnen kånn a a Maschin übernemmen. Stått Mathe gibbs iaz Wolfram Epsilon. Und wås Philosophie betrifft: Denken und gegnen Strom schwimmen wår långfristig gsegn oanfåch zu gfährlich. (kurze Pause, wieder Hand an Ohr, wieder zuhören) An Moment! (tippt wieder in sein Smartphone)

Christian: (wird neugierig) Du, Simon, wås isch des ållm mit dem Ohr und dånn dernoch des Tippen?

Simon37: Woasch, a Schialer håt grod a Frog ghåpp. I hån ihm schnell weitergholfn.

Christian: (überrascht) Und des geaht in gånzn Tog so?

Simon37: (aufklärend) Jå. Månchmål a die Nåcht.

Christian: (energisch) Wia? Gibbs koan Recht offline zu sein?

Simon37: (fast schon beschwichtigend) Na, de Forderung håmm die Gewerkschåftn schun vor Johren aufgebm. (kurze Pause, hervorgehoben) „Unerreichbarkeit ist der Luxus der Zukunft.“

Christian: I tatt sogn, nitt lei der Zukunft. (kurze Pause) Du bisch iaz als Lehrer praktisch a Peripheriegerät der Schual?

Simon37: (fast stolz) Kånn man so sogn. I hån sogor an eigene IP-Adresse ... wia die Putzmaschin von die Schualwarte.

Christian: Also Schualwarte gibbs no. Und wia schaugsn mit Direktoren aus?

Simon37: (bedauernd) Na, es gibb leider lei mehr Verwåltungsautomaten – so a Trumm in der Direktion –gsponsert von die Obstgenossenschåften. Der Oberstaller wår der letschte Direktor. (nachtrauernd) Sell wåren no Zeiten.

Christian: Und dernoch?

Simon37: Ach! Seit zehn Johr versuachn die beschtn Programmierer von Lånd insern Verwåltungsautomat auf Oberstaller zu programmieren. (genervt) De kriagn des oanfåch nit hin.

Christian: (verärgert) Wia, nit amåll die Basis-Funktionen?

Simon37: Na, nit amåll sell. Nit amåll an oanfåcher, simpler Optimismus des Måchbåren.

Christian: I fass es nitt. (vermutend) Sein des epper die gleichen Programmierer von Lånd, de vor zwanzig Johr koan digitales Register zåmmgekriag hobm?

Simon37: (bestätigend, genervt) Jo, genau die semm.

Christian: Hånn i mir gedenkt. (kurze Pause) Irgendwia selber schuld. Wieso a Maschin nemmen, wenn a Mensch viel besser war.

Simon37: Woaß i nit. Mir håm sie iaz an nuien Chip eingepflånzt, mit dem kånn i sogor die Gulaschsupp in der Schualbar zohln.

Christian: Du, des mittn Direktor låsst mir koane Ruah. Wo geahtn der Direktor Oberstaller dånn um? Gibbsnen überhaupt no?

Simon37: (beruhigend) Und wia. Der håt sich in der Unåbhängigen Republik Katalonien a Haus gekaaft und genießt seinen Ruhestånd.

Christian: Ah jå, dånn isch jå nit ålles schlecht.

Simon37 winkt seinem Publikum zu und grüßt. Christian verbeugt sich.